ಬೆಟ್ಟದಪುರ: ಸಂಘವು ಲಾಭಗಳಿಸಬೇಕಾದರೆ ಉತ್ಪಾದಕರು ಕಲಬೆರಕೆ ಮಾಡದೆ ಪರಿಶುದ್ಧ ಹಾಲನ್ನು ಸರಬರಾಜು ಮಾಡುವಂತೆ ಸಂಘದ ಅಧ್ಯಕ್ಷ ವೀರಭದ್ರ ತಿಳಿಸಿದರು. ಪಿರಿಯಾಪಟ್ಟಣ ತಾಲೂಕಿನ ಬೆಟ್ಟದಪುರ – ಸುಣ್ಣದಕೇರಿ ಹಾಲು ಉತ್ಪಾದಕ ಸಹಕಾರ ಸಂಘದಲ್ಲಿ ಆಯೋಜಿಸಿದ್ದ 2021-2022 ನೇ ಸಾಲಿನ ವಾರ್ಷಿಕ ಸಾಮಾನ್ಯ ಸಭೆಯ ಅಧ್ಯಕ್ಷತೆ ವಹಿಸಿ ಮಾತನಾಡಿದರು .
ಮೈಮುಲ್ ವಿಸ್ತರಣಾಧಿಕಾರಿ ಸತೀಶ್ ಮಾತನಾಡಿ ಸಂಘವು 3 ಲಕ್ಷದ 13 ಸಾವಿರ ರೂ ನಿವ್ವಳ ಲಾಭ ಗಳಿಸಿದೆ . ಪ್ರತಿಯೊಬ್ಬ ಉತ್ಪಾದಕರು ರಾಸುಗಳಿಗೆ ಜೀವ ವಿಮೆ ಮಾಡಿಸಿಕೊಳ್ಳಬೇಕು ಇಂದು ದೇಶದಲ್ಲಿ ಹೈನುಗಾರಿಕೆ ಅತಿ ವೇಗವಾಗಿ ಬೆಳೆಯುತ್ತಿರುವುದರಿಂದ ರೈತರು ಹೈನುಗಾರಿಕೆಗೆ ಹೆಚ್ಚು ಒತ್ತು ನೀಡಬೇಕು ಒಕ್ಕೂಟದಿಂದ ದೊರೆಯುವ ಸವಲತ್ತುಗಳನ್ನು ಸದ್ಬಳಕೆ ಮಾಡಿಕೊಂಡು ರೈತರು ಆರ್ಥಿಕ ಅಭಿವೃದ್ಧಿ ಹೊಂದುವಂತೆ ತಿಳಿಸಿದರು .ಸಂಘಕ್ಕೆ ಹೆಚ್ಚು ಹಾಲು ಸರಬರಾಜು ಮಾಡಿದ ರವಿ ನಟರಾಜು ಮಹೇಶ್ ರವರನ್ನು ಕಿರುಕಾಣಿಕೆ ನೀಡಿ ಸಾಲು ಹೊದಿಸಿ ಸನ್ಮಾನಿಸಲಾಯಿತು.
ಈ ಸಂದರ್ಭದಲ್ಲಿ ಸಂಘದ ಅಧ್ಯಕ್ಷ ವೀರಭದ್ರ,ಉಪಾಧ್ಯಕ್ಷ ಲೋಕೇಶ್ ,ಸದಸ್ಯರಾದ ನಾರಾಯಣ, ಶಂಕರ್ ,ದೇವಮ್ಮ ,ಪ್ರಕಾಶ್, ಮಲ್ಲಿಕಾರ್ಜುನ್, ಚಂದ್ರ, ರಂಗಯ್ಯ ,ರತ್ನಮ್ಮ, ಪುಟ್ಟಮ್ಮ, ಕೃಷ್ಣ, ತಿಮ್ಮಪ್ಪನಾಯಕ,ಸಿಇಒ ಮಂಜು ಬಿಎಂ, ಹಾಲು ಪರೀಕ್ಷಕ ಅಭಿಲಾಷ್, ಸಹಾಯಕ ಪ್ರಜ್ವಲ್, ಸೇರಿದಂತೆ ಸದಸ್ಯರುಗಳು ಹಾಜರಿದ್ದರು.