ಬೆಟ್ಟದಪುರ:ಪ್ರತಿಯೊಬ್ಬ ಉತ್ಪಾದಕರು ರಾಸುಗಳಿಗೆ ಜೀವ ವಿಮೆ ಮಾಡಿಸಿಕೊಳ್ಳುವಂತೆ ಮೈಮುಲ್ ವಿಸ್ತರಣಾಧಿಕಾರಿ ಸತೀಶ್ ತಿಳಿಸಿದರು.ಪಿರಿಯಾಪಟ್ಟಣ ತಾಲೂಕಿನ ಚಿಕ್ಕ ಮಳಲಿ ಗ್ರಾಮದ ಹಾಲು ಉತ್ಪಾದಕರ ಮಹಿಳಾ ಸಹಕಾರ ಸಂಘದ 2021 -22ನೇ ಸಾಲಿನ ವಾರ್ಷಿಕ ಮಹಾಸಭೆ ಉದ್ದೇಶಿಸಿ ಮಾತನಾಡಿ ಸಂಘವು ಈ ಬಾರಿ 1ಲಕ್ಷದ ಮೂವತ್ತು ಸಾವಿರ ನಿವ್ವಳ ಲಾಭ ಗಳಿಸಿದೆ ಒಕ್ಕೂಟದಿಂದ ಉತ್ಪಾದಕರಿಗೆ ಹಾಲು ಕರೆಯುವ ಯಂತ್ರ ಹುಲ್ಲು ಕಟಾವು ಮಾಡುವ ಯಂತ್ರ ಮ್ಯಾಟ್ ಗಳನ್ನು ರಿಯಾಯಿತಿ ದರದಲ್ಲಿ ನೀಡುತ್ತಿದ್ದು ಉತ್ಪಾದಕರಿಗೆ ಸದ್ಬಳಕೆ ಮಾಡಿಕೊಳ್ಳಬೇಕು.ಎಂದರು .
ಗ್ರಾಮ ಪಂಚಾಯಿತಿ ಸದಸ್ಯ ಮಾತನಾಡಿ ನಮ್ಮ ಗ್ರಾಮದಲ್ಲಿ ಒತ್ತುವರಿಯಾಗಿರುವ ಗ್ರಾಮ ಠಾಣಾ ಜಾಗವನ್ನು ಗ್ರಾಮಸ್ಥರ ಸಹಕಾರದಿಂದ ತೆರವುಗೊಳಿಸಿ ಹಾಲು ಉತ್ಪಾದಕರ ಸಹಕಾರ ಸಂಘಕ್ಕೆ ನಿವೇಶನ ಕಲ್ಪಿಸಿ ಕೊಡಲಾಗುವುದು ಎಂದು ಭರವಸೆ ನೀಡಿದರು.
ಈ ಸಂದರ್ಭದಲ್ಲಿ ಸಂಘದ ಅಧ್ಯಕ್ಷೆ ಶಾಂತಮ್ಮ ,ಉಪಾಧ್ಯಕ್ಷೆ ಸಣ್ಣಮ್ಮ ,ಕಾರ್ಯದರ್ಶಿ ಮಹದೇವಮ್ಮ ,ಹಾಲು ಪರಿವೀಕ್ಷಕ ಶಿವಶಂಕರ್ ,ನಿರ್ದೇಶಕರಾದ ಇಂದ್ರಮ್ಮ ,ಶಿವಮ್ಮ, ರುಕ್ಮಿಣಿ, ರೇಣುಕಾ ,ಶೈಲಜಾ ,ಸರೋಜಮ್ಮ, ವರಲಕ್ಷ್ಮಿ ,ಪಲ್ಲವಿ, ಮಂಜುಳಾ, ಉತ್ಪಾದಕರು ಹಾಜರಿದ್ದರು .